२४ भाद्र २०७९, शुक्रबार १२:३५ बुधवार साप्ताहिक, नयाँबानेश्वर, काठमाण्डौं

मंसिर ४ पछि फेरि एमाले सरकारमा आउँछ : नेता बस्नेत

२५ भदौ,भक्तपुर । प्रमुख प्रतिपक्षी नेकपा (एमाले) का नेता एवम् पूर्वमन्त्री महेश बस्नेतले मंसिर ४ गते हुने प्रतिनिधिसभा र प्रदेशसभा निर्वाचनपछि आफ्नो पार्टी सरकारमा आउने दाबी गरेका छन् ।

भक्तपुरमा आज आयोजित पार्टी निकट राष्ट्रिय युवा संघ, नेपाल वाग्मती प्रदेशस्तरीय निर्वाचन परिचालन भेलामा बोल्दै नेता बस्नेतले मंसिर ४ गते पछाडि एमाले फेरि सरकारमा आउने दाबी गरेका हुन् ।

उनले आफ्नो पार्टीको नेतृत्वमा सरकार बनेपछि फटाहाहरुलाई तह लगाउने चेतावनी समेत दिएका छन् । उनले भने, ‘मंसिर ४ गते पछाडि नेकपा (एमाले) फेरि सरकारमा आउँदैछ । त्यतिखेर अपराधी र फटाहाहरुलाई एमालेले तह लगाउनेछ । एमालेले आगामी निर्वाचन जित्नका लागि टोलटोलमा संगठन निर्माणको काम गर्ने र सकेसम्म सर्वसम्मत उम्मेदवार बनाउने कामलाई तीव्रता दिएको छ । र, त्यस काममा युवा संघ, नेपालले महत्वपूणर् भूमिका निर्वाह गर्नुपर्छ ।

मुलुकमा विकास निर्माण हुन नदिन, भ्रष्टाचारलाई प्रश्रय दिन, राष्ट्रियतालाई समाप्त पार्न सत्तारुढ गठबन्धन एमालेविरुद्ध लागि परेको आरोपसमेत उनले आरोप लगाए ।