२४ कार्तिक २०७९, बिहीबार ०८:३८ बुधवार साप्ताहिक, नयाँबानेश्वर, काठमाण्डौं

दाङमा शंकर पोखरेल र कोमल वलीलाई समर्थन गर्दै दुई उम्मेदवारले गरे उम्मेदवारी निस्कृय

२४ कात्तिक, दाङ । मौलिक जरोकिलो पार्टी दाङ क्षेत्र नं २ का उम्मेदवार रामचन्द्र खड्काले नेकपा एमाले उम्मेदवार शंकर पोख्रेललाई समर्थन गर्नुभएको छ यसैगरी नेपाली जनमुक्ती पार्टी क्षेत्र नं ३ का उम्मेदवार कृष्णविर नेपालीले एमाले उम्मेदवार कोमल वलीलाई समर्थन गर्नुभएको छ ।

दुवै उम्मेदवारले विहीवार विज्ञप्ति जारी गरेर एमाले उम्मेदवार पोख्रेल र वलीलाई समर्थन गर्ने घोषणा गर्नुभएको हो । खड्का र नेपाली विहीवारदेखि नेकपा एमालेमा प्रवेश समेत गर्नुभएको छ ।

उहाँहरुलार्ई एमाले महासचिव पोख्रेलले पार्टीमा स्वागत गर्नभयो । दुवैले नेकपा एमालेका उम्मेदवारलाई सूर्य चिन्हमा मतदान गरेर विजयी गराउन सवै मतदातामा अपिल समेत गर्नुभएको छ ।

दाङ क्षेत्र न. २ मा एमालेका महासचिव पोख्रेल र क्षेत्र न . ३ मा नेकपा एमाले केन्द्रीय सदस्य कोमल वली उम्मेदवार हुनुहुन्छ । दाङ क्षेत्र न २ को (क) मा एमालेका प्रदेश कमिटि सदस्य बलिभन्द्र राना र २(ख)मा एमाले प्रदेश कमिटी सचिवालय सदस्य गिरिराज केसी उम्मेदवार हुनुहुन्छ । त्यसैगरेर क्षेत्र नं ३ को (क) मा नेकपा एमालेका केन्द्रीय सदस्य तथा तुलसीपुर उपमहानगरपालिका निवर्तमान मेयर घनश्याम पाण्डे र ३ (ख) मा नेकपा एमाले दाङका अध्यक्ष हुकुमबहादुर बस्नेत उम्मेदवार हुनुहुन्छ ।