मतगणना चलिरहेका बाँकी ७ क्षेत्रमा कहाँ को अगाडि?
११ मंसिर, काठमाडौं । प्रतिनिधिसभाको प्रत्यक्ष अहिलेसम्म १५५ क्षेत्रको अन्तिम परिणाम सार्वजनिक भइसकेको छ। अब १० क्षेत्रको मात्रै अन्तिम नतिजा आउन बाँकी छ।
मत परिणाम आउन बाँकी रहेका १० क्षेत्रमध्ये दोलखा, स्याङ्जा २ र बाजुरामा अझै मतगणना सुरु हुन सकेको छैन।
परिणाम आउन बाँकी ७ क्षेत्रमा भने मतगणना जारी छ। मतगणना चलिरहेका क्षेत्रमध्ये नेपाली कांग्रेसले ४, एमालेलेले २ र राष्ट्रिय स्वतन्त्र पार्टीले १ क्षेत्रमा अग्रता कायम राखेको छ।
मतगणना जारी रहेको इलाम क्षेत्र नम्बर १ मा नेकपा एकीकृत समाजवादीका सम्मानित नेता झलनाथ खनाललाई पछि पार्दै एमालेका महेश बस्नेतले अग्रता कायम राखेका छन्। त्यहाँ बस्नेतले २० हजार ३८५ मत पाउँदा खनालले १८ हजार २०५ मत पाएका छन्।
सुनसरी १ मा राष्ट्रिय स्वतन्त्र पार्टीकी गोमा तामाङले १२ हजार ८५५ मत प्राप्त गरेर अग्रता बनाउँदा जसपाका अशोककुमार राईले १२ हजार ५०४ सहित उनलाई पछ्याइरहेका छन्।
त्यसैगरी सुनसरी ३ मा एमालेकी भगवती चौधरीले १६ हजार ५ मत ल्याएर अग्रता कायम राख्दा कांग्रेसका विजयकुमार गच्छदारले ११ हजार ६९५ मत ल्याएका छन्।
सुनसरी ४ मा पनि मतगणना जारी छ। त्यहाँ कांग्रेसका ज्ञानेन्द्र बहादुर कार्कीले २३ हजार ४३९ मत प्राप्त गरेर अग्रता कायम राख्दा एमालेका जगदिश प्रसाद कुसियैतले २३ हजार ३४१ मत प्राप्त गरेका छन्। यहाँ कार्की र कुसियैतबीचको मतान्तर ९८ मात्रै छ।
उदयपुर १ कांग्रेसका नारायण खड्काले २१ हजार ८३३ मत ल्याएर अग्रता कायम राखेका छन्। एमालेकी मञ्जु चौधरीले २० हजार १२० मत ल्याएर उनलाई पछ्याइरहेका छन्।
त्यसैगरी धनुषा ४ मा कांग्रेसका महेन्द्र यादवले २१ हजार २२४ मत ल्याउँदा एमालेका रघुबीर महासेठले २० हजार २०३ मत ल्याएका छन्।
रामेछापमा कांग्रसका पूर्णबहादुर तामाङले ४७ हजार ९८ मतसहित अग्रता कायम राखेका छन् भने एमालेका कैलाशप्रसाद ढुंगेलले ३० हजार ७२९ मत ल्याएका छन्। यहाँ तामाङको जित सुनिश्चित भैसकेको छ।
सम्बन्धित समाचार
- सत्ता गठबन्धन फेरिएकै दिन नेप्से परिसूचक ११७.७० अंकले बृद्धि
- बालुवाटारमा नयाँ गठबन्धनको बैठक जारी
- दुई वर्ष प्रचण्ड नै प्रधानमन्त्री, त्यसपछि ओली
- बालुवाटारमा प्रचण्ड र ओलीबीच एक घण्टा वार्ता
- हङकङमा टी-२० सिरिज खेल्ने १४ सदस्यीय टिम घोषणा
- राष्ट्रियसभाका अध्यक्षसहित २० सांसदको पदावधि आजदेखि सकिने
- भ्रष्टाचारमा मुछिएका माओवादी नेता पुरीले दिए पदबाट राजीनामा
- फर्जी हाजिरी गरेर १ लाख तलबभत्ता लिने चार शिक्षकविरुद्ध भ्रष्टाचार मुद्दा
- स्कारपियोले मोटरसाइकललाई ठक्कर दिँदा २ युवकको मृत्यु
- चितवनमा जनतासँग एमाले कार्यक्रम शुरु
- त्रिकोणात्मक टी–२० सिरिजमा आज नेपाल र नामिबिया भिड्दै
- राष्ट्रिय सभा अध्यक्ष माओवादीकै हुन्छ : जनार्दन शर्मा
Leave a Reply