१४ पुष २०७९, बिहीबार ०७:२४ बुधवार साप्ताहिक, नयाँबानेश्वर, काठमाण्डौं

पाँच दिनभित्र सरकारको न्यूनतम साझा कार्यक्रम आउने

१४ पुस, काठमाडौं । सत्ता गठबन्धनले अबका पाँच दिनभित्र सरकारका न्यूनतम साझा कार्यक्रम ल्याउने भएको छ ।

गठबन्धनको न्यूनतम साझा कार्यक्रम ल्याउन नेकपा (एमाले) का अध्यक्ष केपी शर्मा ओलीलाई संयोजक तोकिएको गृहमन्त्री एवं राष्ट्रिय स्वतन्त्र पार्टीका सभापति रवि लामिछानले जानकारी दिए । बिहीबार बिहान प्रधानमन्त्रीको सरकारी निवास बालुवाटारमा बसेको सत्ता गठबन्धनमा आबद्ध दलका शीर्ष नेताहरूको बैठकबाट यस्तो निणर्य गरिएको हो ।

उनका अनुसार बैठकमा मन्त्रिपरिषद् विस्तार, मन्त्रालयको भागबण्डलगायत विषयमा छलफल भएको थियो । तर, त्यसबारेमा कुनै निणर्य नभएको उनले बताएका छन् । बैठकमा राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले न्यूनतम साझा कार्यक्रम आएपछि आफूहरू सरकारमा सहभागी हुने/ नहुनेबारे निणर्य लिने बताएका थिए ।

त्यस्तै, मन्त्री बनाउँदा विषय विज्ञबाट हुनुपर्ने विषय उठेको पनि उपप्रधानमन्त्री लामिछानेले बताए । अब मन्त्रिपरिषद विस्तार गर्दा क्षमताका आधारमा गर्ने निणर्य भएको लामिछानेले बताए ।