२९ पुष २०७९, शुक्रबार ०९:२९ बुधवार साप्ताहिक, नयाँबानेश्वर, काठमाण्डौं

अनेमसंघको सातौं राष्ट्रिय सम्मेलन चैत २४ र २५ गते काठमाडौंमा

२९ पुस, काठमाडौं । अखिल नेपाल महिला संघ (अनेमसंघ) को सातौं राष्ट्रिय सम्मेलन आगामी चैत २४ र २५ गते काठमाडौंमा हुने भएको छ ।
सातौँ राष्ट्रिय सम्मेलन आयोजक कमिटीको सातौँ सचिवालय बैठकले राष्ट्रिय सम्मेलनको निर्णय गरेको हो ।

नेकपा (एमाले) स्थायी कमिटी सदस्य तथा अनेमसंघका इन्चार्ज सीता पौडेल, स्थायी कमिटी सदस्य तथा जनसंगठन समन्वय संयन्त्रका प्रमुख भानुभक्त ढकालको आतिथ्यमा सातौं राष्ट्रिय सम्मेलन आयोजक कमिटीका संयोजक थममाया थापाको अध्यक्षतामा बसेको बैठकले सम्मेलन सम्पन्न गर्न विभिन्न १९ वटा उपसमिति गठन गरेको छ ।

बैठकले नीति तथा कार्यक्रम मस्यौदा, सामग्री व्यवस्थापन, राजनीतिक÷सांगठनिक प्रतिवेदन, निरिक्षण तथा अनुगमन, सम्पर्क समन्वय, अनेमसंघ र पार्टीको विकासमा योगदान दिने व्यक्तित्व सम्मान, जनपरिचालन, प्रतिनिधि छनौट तथा व्यवस्थापन, सांस्कृतिक, स्वास्थ्य, विधान मस्यौदा, मञ्च व्यवस्थापन, आर्थिक, प्रचारप्रसार, अतिथि सत्कार, यातायात व्यवस्थापन, आवास व्यवस्थापन, स्वयंसेवक परिचालन र खाद्य व्यवस्था उपसमिति गठन गरेको छ ।