११ माघ २०७९, बुधबार ०७:३५ बुधवार साप्ताहिक, नयाँबानेश्वर, काठमाण्डौं

अमेरिकी उपविदेशमन्त्री नुल्याण्ड नेपाल आउँदै

११ माघ,काठमाडौं । अमेरिकाकी उपविदेशमन्त्री भिक्टोरीया नुल्याण्ड नेपाल आउने भएकी छिन् । विदेश मन्त्रालयमा राजनीतिक मामिला हेर्ने उपमन्त्री नुल्याण्ड कहिले आउने भन्नेबारेमा भने निश्चित भइसकेको छैन । उनी के कति कारणले नेपाल आउन लागेकी हुन् भन्ने पनि खुलाइएको छैन ।

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री भएपछि अमेरिकाबाट हुन लागेको यो उच्च तहको पहिलो भ्रमण हो । नुल्याण्ड यसअघि जेठ ६ गते अमेरिकी नागरिक सुरक्षा, प्रजातन्त्र र मानव अधिकार उपमन्त्री तथा तिब्बती मुद्दाका लागि विशेष संयोजक उज्रा जेया तीन दिने नेपाल भ्रमणमा काठमाडौं आएकी थिइन् ।

निकट भविष्यमा हुन लागेका ती भ्रणहरूमध्ये अमेरिकी उपविदेशमन्त्री नुल्याण्डको भ्रमणका विषयमा मंगलबार परराष्ट्रमन्त्री विमला राई पौड्यालसँग समेत अमेरिकी राजदूत डीन.आर. थम्पसनको छलफल भएको परराष्ट्र स्रोतको भनाइ छ ।