१४ माघ २०७९, शनिबार ०१:४२ बुधवार साप्ताहिक, नयाँबानेश्वर, काठमाण्डौं

रास्वपाको कार्यवाहक सभापतिमा डोलप्रसाद अर्याल

१४ माघ, काठमाडौँ । राष्ट्रिय स्वतन्त्र पार्टीको कार्यवाहक सभापतिमा डोलप्रसाद अर्याल चयन भएका छन् । हिजो (शनिबार) बसेको पार्टीको आकस्मिक बैठकले उपसभापति र मन्त्री समेत रहेका अर्याललाई कार्यवाहक सभापतिको जिम्मेवारी दिएको हो । बैठकले सर्वोच्च अदालतको फैसला कार्यान्वयन गर्ने निर्णय पनि गरेको छ ।

पार्टी सभापति रवि लामिछानेसँग नेपालको नागरिकता प्रमाणपत्र नभएको भन्दै सर्वोच्च अदालतले फैसला गरेपछि उनको सांसद र मन्त्री पदसँगै पार्टी सभापतिको पद पनि गुमेको छ । यस्तै राष्ट्रिय स्वतन्त्र पार्टीले आज (शनिबार) देखि तय भएका प्रदेशका सबै कार्यक्रम स्थगित भएको जनाएको छ ।

पार्टीका महामन्त्री तथा प्रवक्ता मुकुल ढकालले सूचना निकालेर विशेष परिस्थितिका कारण सबै प्रदेशमा तय गरिएका प्रदेश समितिहरुको विस्तारित बैठक तथा सङ्गठन विस्तारका कार्यक्रम अनिश्चितकालका लागि स्थगित भएको जनाएका छन् ।