१६ माघ २०७९, सोमबार ०३:४१ बुधवार साप्ताहिक, नयाँबानेश्वर, काठमाण्डौं

प्रधानमन्त्रीलाई भेट्न बालुवाटार पुगे मेयर बालेन्द्र

१६ माघ, काठमाडौं । काठमाडौं महानगरपालिकाका मेयर बालेन्द्र शाह (बालेन) ले प्रधानमन्त्री पुष्पकमल दाहाल ‘प्रचण्ड’ सँग भेटवार्ता गरेका छन् । यसअघि गृहमन्त्रीसँग भेट गरेर काठमाडौंको वागमती करिडोरमा रहेका सुकुम्वासी हटाउन सहयोग मागेका बालेनले अहिले प्रधानमन्त्री प्रचण्डसँग भेट गरेका हुन् ।

बालेनले अहिले बिहान मात्रै प्रधानमन्त्री दाहालसँग भेटवार्ता गरेका हुन् । पछिल्लो समय मेयर शाहविरुद्धको जनमत बढ्न थालेको छ । हिजो (आइतबार) मात्रै काठमाडौंमा उनीविरुद्ध आन्दोलन भएको थियो । गरीबको उठिबास लगाउन खोजेको, सम्पदा मास्न खोजेको आरोप बालेनमाथि लगाइएको छ ।