२५ माघ २०७९, बुधबार ०६:०६ बुधवार साप्ताहिक, नयाँबानेश्वर, काठमाण्डौं

ओलीसँग डेढ घन्टा छलफल गरेर बालकोटबाट बाहिरिए प्रचण्ड

२५ माघ,काठमाडौँ । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीचको भेटवार्ता भर्खरै सकिएको छ । एमाले अध्यक्ष ओलीको निजी निवास बालकोटमा आज (बुधबार) बिहान करिब डेढ घण्टा उनीहरूबीच भटवार्ता भएको हो ।

उच्चस्तरीय राजनीतिक संयन्त्रका संयोजक समेत रहेका ओलीसँग प्रचण्डले भेटघाट बाक्लो बनाइरहेका छन् । आजै सुदूरपश्चिम प्रदेशका मुख्यमन्त्री राजेन्द्रसिंह रावलले विश्वासको मत लिँदैछन् । त्यहाँ नागरिक उन्मुक्ति पार्टीले विश्वासको मत नदिने निर्णय गरेसँगै रावल नेतृत्वको सरकार ढल्ने सम्भावना बढेको छ ।

उता, लुम्बिनी प्रदेशमा रिक्त रहेको राष्ट्रियसभा सदस्यको निर्वाचन हुँदैछ । उनीहरुबीच यी विषयसहित समसामयिक राजनीतिबारे छलफल भएको बुझिएको छ । आजको भेटवार्तामा भोलि उच्चस्तरीय राजनीतिक संयन्त्रको वैठक बस्ने सहमति भएको । उक्त वैठकमा नयाँ राष्ट्रपतिको उम्मेदवारका विषयमा छलफल हुने जनाइएको छ ।