२७ माघ २०७९, शुक्रबार १२:०८ बुधवार साप्ताहिक, नयाँबानेश्वर, काठमाण्डौं

अबको राष्ट्रपति हामीले जो भन्छौं त्यही : ओली

२७ माघ, काठमाडौं । सत्तारुढ नेकपा एमालेका अध्यक्ष केपी शर्मा ओलीले अबको राष्ट्रपति सत्ता साझेदार दलहरूको सहमतिबाट चुनिने बताएका छन् । आज (शुक्रबार) संघीय संसदको संयुक्त बैठकमा राष्ट्रपतिको सम्बोधनपछि बाहिरिने क्रममा पत्रकारहरूले सोधेको प्रश्नको जवाफ दिंदै अध्यक्ष ओलीले दलहरूकै सहमतिबाट राष्ट्रपति चुनिने बताए ।

अबको राष्ट्रपति को बन्छ ? भन्ने प्रश्नको संक्षिप्त प्रतिक्रिया दिँदै ओलीले भने, हामीले जो भन्छौं, त्यही बन्छ । अध्यक्ष ओलीले सुदूरपश्चिम सरकार ढल्यो अब केन्द्रमा के हुन्छ भन्ने प्रश्नको जवाफमा, अब हेर्दै जाऔं ।

उनले राष्ट्रपतिको सम्बोधन राम्रो भएको प्रतिक्रिया दिएका छन् । संघीय संसदको संयुक्त बैठकमा राष्ट्रपति विद्यादेवी भण्डारीले ५० मिनेट सम्बोधन गरेकी थिइन् । सम्बोधनका क्रममा राष्ट्रपति भण्डारी आफूले प्रस्तुत गरेको विषय सरकारको नीति तथा कार्यक्रममा समावेश हुनुपर्ने बताइन् । राष्ट्रपति भण्डारीले विकास पूर्वाधार, अर्थतन्त्र सुधार र सरकारको नीति तथा कार्यक्रमबारे स्पष्ट पारिन् । उनले विकास निर्माणले गति लिए पनि त्यो पर्याप्त नभएको बताइन् ।