२७ माघ २०७९, शुक्रबार १४:२६ बुधवार साप्ताहिक, नयाँबानेश्वर, काठमाण्डौं

राष्ट्रपतिको सवारीका क्रममा प्रहरीले लाठी चार्ज गर्दा ट्रमा सेन्टरका डाक्टर घाइते

२७ माघ, काठमाडौं । राष्ट्रपतिको सवारीका क्रममा प्रहरीको लाठी चार्जबाट राष्ट्रिय ट्रमा सेन्टरका चिकित्सक डा. जनिथलाल सिंह घाइते भएका छन् । शुक्रबार अपराह्न राष्ट्रपति विद्यादेवी भण्डारीको सवारीको क्रममा सुरक्षामा खटिएका प्रहरीको लाठी चार्जबाट उनी घाइते भएका हुन् ।

संघीय संसद्को संयुक्त सदनलाई सम्बोधन गरेर राष्ट्रपति भण्डारी फर्कने क्रममा वीर अस्पताल बाहिर हिँडिरहेका चिकित्सक सिंहलाई त्यहाँ सुरक्षामा खटिएका प्रहरीले लाठी चार्ज गरेका थिए । उनको टाउकोमा चोट लागेको छ ।

त्यसलगत्तै आफूहरुमाथि कुटपिट गरेको भन्दै उनीहरुले अस्पताल बाहिर सडकमा विरोध प्रदर्शन गरेका छन् । सो घटनाको विरोधमा चिकित्सकहरूले प्रदर्शन गर्दा केहीबेर यातायात अवरुद्ध भएको थियो ।