८ फाल्गुन २०७९, सोमबार ०९:२० बुधवार साप्ताहिक, नयाँबानेश्वर, काठमाण्डौं

त्रिभुवन अन्तर्राष्ट्रिय विमानस्थलको ‘सर्भर डाउन’ उडान प्रभावित

८ फागुन,काठमाडौं । त्रिभुवन अन्तर्राष्ट्रिय विमानस्थलको सर्भरमा पुनः समस्या आएको छ । विमानस्थलको अध्यागनमको सर्भर डाउन भएको विमानस्थलले जानकारी दिएको छ । केही दिनअघि पनि विमानस्थलको सर्भरमा खराबी आएको थियो ।

सर्भर डाउन भएसँगै अन्तर्राष्ट्रिय उडान प्रभावित भएका छन् । सर्भरमा समस्या आएसँगै सयौँ यात्रुहरु अलपत्र परेका छन् ।
सोमबार दिउँसो करिब १ बजेदेखि विमानस्थलको अध्यागमन विभागमा सफ्टवेयरमा समस्या आउँदा अन्तर्राष्ट्रिय उडानहरू प्रभावित हुन पुगेको टीआईएका प्रवक्ता टेकनाथ सिटौलाले जानकारी दिए ।

केही समयदेखि अध्यागमनको सफ्टवेयरमा समस्या देखिएको छ । समस्या समाधानका लागि अहिले प्राविधिक टोलिहरु खटिरहेका छन् । तथापि, अबको केहीछिनमा नै समस्या समाधान हुनेमा आशावादी छौं’ सिटौलाले भने ।

तर, यस समस्याले अध्यागमनको डिपाचर, इम्रिग्रेसनको काम रोकिँदा उडानहरू समेत प्रभावित हुन पुगेको उनले जानकारी दिए । टीआई, अध्यागमनमा सञ्चालित सफ्टवेयर पनि सिंहदरबारकै भएकाले उता समस्या आउँदा यता पनि सोहीँ समस्या देखिएको प्रवक्ता सिटौलाको भनाइ छ ।