१७ फाल्गुन २०७९, बुधबार ०६:४२ बुधवार साप्ताहिक, नयाँबानेश्वर, काठमाण्डौं

प्रदेश १ को नाम प्रस्ताव गर्न १ घण्टा समय थप

१७ फागुन, विराटनगर । प्रदेश १ प्रदेशसभामा नामकरणको प्रस्ताव पेस गर्ने समय एक घण्टा थप गरिएको छ ।

यसअघि १२ बजे सम्म समय तोकिएको भएपनि आन्तरिक तयारी नपुगेको भन्दै १ घण्टा थपिएको हो ।

प्रदेशसभामा रहेका दलहरूको आन्तरिक बैठकका कारण केही ढिला भएको हो ।

नामकरणका विषयमा आफ्नो दलभित्र सहमति जुटाउन नेकपा एमाले, नेपाली कांग्रेस र नेकपा माओवादीको संसदीय दलको बैठक बसिरहेको छ ।

बैठकका लागि प्रदेशसभा सचिवालयले ११ बजेको सूचना जारी गरेको थियो ।