१८ फाल्गुन २०७९, बिहीबार ०३:३१ बुधवार साप्ताहिक, नयाँबानेश्वर, काठमाण्डौं

आठ दलका सांसदलाई आज अभिमुखीकरण

फागुन १८,काठमाडौं । नेपाली कांग्रेस नेतृत्वको आठ दलीय गठबन्धनले संघीय सांसदहरूका लागि आज अभिमुखीकरण कार्यक्रम गर्दैछ । राष्ट्रपति निर्वाचनलाई लक्षित गर्दै आठ दलीय गठबन्धनले अभिमुखीकरण कार्यक्रम गर्न लागेको हो ।

आज दिउँसो १ बजे हुने कार्यक्रममा राष्ट्रियसभा र प्रतिनिधिसभा सदस्यहरूलाई बोलाइएको छ । कार्यक्रममा आठ दलका शीर्ष नेताहरुले सम्बोधन गर्ने बताइएको छ ।

नयाँ बानेश्वर तीनकुनेस्थित रोयल ब्यांक्वेटमा कांग्रेस, नेकपा (माओवादी केन्द्र), जनता समाजवादी पार्टी (जसपा), नेकपा (एकीकृत समाजवादी), लोकतान्त्रिक समाजवादी पार्टी (लोसपा), जनमत पार्टी, राष्ट्रिय जनमोर्चा र नागरिक उन्मुक्ति पार्टीका सांसदहरु अभिमुखीकरण कार्यक्रममा सहभागी हुनेछन ।

फागुन २५ गते हुने राष्ट्रपति निर्वाचनका लागि आठ दलीय गठबन्धननले कांग्रेस नेता रामचन्द्र पौडेललाई उम्मेदवार बनाएको छ भने एमालेले सुवास नेम्वाङलाई उम्मेदवार बनाएको छ ।