१८ फाल्गुन २०७९, बिहीबार १२:२५ बुधवार साप्ताहिक, नयाँबानेश्वर, काठमाण्डौं

सुवास नेम्वाङले रास्वपाको मत पाउनु हुन्छ : योगेश भट्टराई

१८ फागुन, काठमाडौँ । नेकपा एमालेका नेताहरुले राष्ट्रपति निर्वाचनमा राष्ट्रिय स्वतन्त्र पार्टीको मत सुवासचन्द्र नेम्वाङको पक्षमा आउने विश्वास व्यक्त गरेका छन् ।

आज (बिहीबार) रास्वपाका सभापति रवि लामिछानेसहितका नेताहरुसँगको भेटवार्तापछि एमाले सचिव योगेश भट्टराईले रास्वपाको मत नेम्वाङको पक्षमा पर्ने बताएका हुन् ।

रास्वपाका अध्यक्षले आफ्नो पार्टी छलफलमा रहेको र केही समय हामी सहकार्यमा समेत रहेको हुनाले एकअर्कालाई बुझेका छौं । सुवास नेम्वाङ जत्तिको व्यक्तित्व मुलुकले कमै पाउँछ । यो एउटा मौका हो भन्नु भएको छ, सचिव भट्टराईले भने, उहाँको भनाइ र बडी ल्याङ्वेजबाट हामी यो बुझ्छौं कि राष्ट्रपतिमा रास्वपाको मत सुवास नेम्वाङले पाउनु हुन्छ ।