७ चैत्र २०७९, मंगलवार १०:२० बुधवार साप्ताहिक, नयाँबानेश्वर, काठमाण्डौं

जनसरोकारका विषय पहिचान गर्न स्थानीय कमिटीहरुलाई एमालेको निर्देशन

७ चैत, काठमाडौँ । नेकपा (एमाले) ले जनसरोकारको विषय पहिचान गर्न पार्टीका स्थानीय कमिटीहरुलाई निर्देशन दिएको छ । एमालेका उपमहासचिव विष्णु रिमालले जनसरोकारका विषय पहिचान गर्न पार्टीका सबै पालिका स्तरीय कमिटीहरुलाई निर्देशन दिइएको बताएका हुन् ।

एमाले उपत्यका विशेष प्रदेश कमिटीले मंगलबार पार्टी केन्द्रिय कार्यालयमा च्यासलमा आयोजना गरेको ‘अगुवा कार्यकर्ता भेला तथा प्रशिक्षण’ कार्यक्रम बोल्दै उनले चैत्रको २० गतदेखि २५ गतेसम्म ५ दिन पालिका स्तरका जनसरोकारको विषयमा रिर्पोटिङका लागि पालिकास्तरीय कमिटीहरुलाई समय तोकिएको पनि स्मरण गराए । त्यसैगरी २५ गतेदेखि ३० गतेसम्म जिल्लाले आफ्नो सो विषयको रिर्पोट बनाउनुपर्ने उपमहासचिव रिमालको भनाइ थियो ।

उनले भने, जनसरोकारको विषयको पहिचान गर भनेर भनेका छौं । यो चाँही ७५३ वटै स्थानीय तहबाट हुनु प¥यो । ती कमिटीहरुबाट हामीले सुझाव मागेका छौं । जनसरोकारको पहिचान भन्नेमा हामीले सो क्षेत्रको पहिचान गर्नु प¥यो। तपाईहरु जुनजुन पेशा र व्यवसायमा हुनुहुन्छ । त्यो पेशा र व्यवसायको पहिचान पनि त्यसमा राख्नु पर्‍यो । भौतिक पूर्वाधारको क्षेत्रमा के छ ? किसानहरुले भोगिरहेका समस्या के छन् ? पार्टीले आउने यो महिनाको २० गतेबाट २५ गतेसम्म हामी पालिका तहको रिर्पोटिङ तयार गर्नेछ यही विषयमा ।

उपमहासचिव रिमालले पार्टीका स्थानीय कमिटीहरुले किसानले भोगिरहेका समस्याबारे, त्यहाँको भौतिक पूर्वाधार क्षेत्रको विकासबारे पनि पार्टीको माथिल्लो कमिटीलाई रिर्पोटिङ गर्नुपर्ने योजना तय गरिएको बताए । पार्टीले जनताको पक्षमा काम गर्नका लागि पनि पार्टी कमिटीहरुले रिर्पोटिङको कामलाई अघि बढाउनुपर्ने उनको तर्क थियो ।