कर्णालीका मुख्यमन्त्री शर्माले आज दोस्रो पटक विश्वासको मत लिँदै
१७ चैत, सुर्खेत । कर्णाली प्रदेशका मुख्यमन्त्री राजकुमार शर्माले आज (शुक्रबार) दोस्रो पटक विश्वासको मत लिँदैछन । सत्तामा सहभागी दलमध्ये राप्रपाले समर्थन फिर्ता लिएपछि मुख्यमन्त्री शर्माले दोस्रो पटक विश्वासको मत लिन लागेका हुन् । शर्मा पुस २७ गते कर्णालीको तेस्रो मुख्यमन्त्रीमा नियुक्त भएका थिए ।
पुस १० गते एमालेसहितको गठबन्धन बन्दा माओवादी केन्द्र, राष्ट्रिय प्रजातन्त्र पार्टी र एकीकृत समाजवादी केन्द्रका २५ सांसदको समर्थनमा मुख्यमन्त्रीमा शर्मा नियुक्त भएका हुन् । तर केन्द्रमा पुरानै गठबन्धन बनेपछि राप्रपाले सरकारलाई दिएको समर्थन फिर्ता लिँदा मुख्यमन्त्रीले पुनः विश्वासको मत लिनुपरेको हो । कर्णालीमा कांग्रेस सत्ता बाहिर नै छ । एमालेले हालसम्म सरकारलाई दिएको समर्थन फिर्ता लिएको छैन । मुख्यमन्त्री शर्मालाई विश्वासको मत दिने / नदिने विषयमा कांग्रेसले अहिलेसम्म कुनै निर्णय गरेको छैन ।
कर्णालीमा कुनै पनि दलको स्पष्ट बहुमत छैन । बहुमत नभएकै कारण कर्णालीमा हाल दुई दल मिलेर सरकार चलाइरहेका छन् । एमालेबाट आर्थिक मामिला तथा योजनामन्त्रीमा विनोद शाह, सामाजिक विकासमन्त्रीमा टेकराज पछाईं र उद्योग, पर्यटन, वन तथा वातावरणमन्त्रीमा जितबहादुर मल्ल छन् । एमाले सत्ताबाट नबाहिरिएको र कांग्रेस आफैंले नेतृत्व गर्न पाउनुपर्ने तर्क गर्दा राजनीतिक समीकरण कस्तो बन्छ भन्ने शुक्रबार नै तय हुने एमालेका एक नेताले बताए । उनका अनुसार संसदीय दलको बैठकपछि मात्रै अन्तिम निर्णय लिने तयारीमा एमाले देखिन्छ ।
एमालेबाट सरकारमा सहभागी मन्त्रीलाई बर्खास्त गर्ने मनसायमा मुख्यमन्त्री शर्मा देखिँदैनन् । यही सरकारलाई अघि बढाउने र कांग्रेसलाई पनि सरकारमा सहभागी गराएर गरिबी, अविकास, विकटतालाई अन्त्य गर्न दलहरू एक ठाउँमा उभिनुपर्ने तर्क मुख्यमन्त्रीको छ । कर्णालीमा कांग्रसेका १४, माओवादीका १३, एमालेका १०, राप्रपा, समाजवादी र स्वतन्त्रका एक–एक सांसद छन् । प्रदेशसभाको बैठक शुक्रबार दिउँसो ३ बजे बस्दै छ ।
सम्बन्धित समाचार
- सत्ता गठबन्धन फेरिएकै दिन नेप्से परिसूचक ११७.७० अंकले बृद्धि
- बालुवाटारमा नयाँ गठबन्धनको बैठक जारी
- दुई वर्ष प्रचण्ड नै प्रधानमन्त्री, त्यसपछि ओली
- बालुवाटारमा प्रचण्ड र ओलीबीच एक घण्टा वार्ता
- हङकङमा टी-२० सिरिज खेल्ने १४ सदस्यीय टिम घोषणा
- राष्ट्रियसभाका अध्यक्षसहित २० सांसदको पदावधि आजदेखि सकिने
- भ्रष्टाचारमा मुछिएका माओवादी नेता पुरीले दिए पदबाट राजीनामा
- फर्जी हाजिरी गरेर १ लाख तलबभत्ता लिने चार शिक्षकविरुद्ध भ्रष्टाचार मुद्दा
- स्कारपियोले मोटरसाइकललाई ठक्कर दिँदा २ युवकको मृत्यु
- चितवनमा जनतासँग एमाले कार्यक्रम शुरु
- त्रिकोणात्मक टी–२० सिरिजमा आज नेपाल र नामिबिया भिड्दै
- राष्ट्रिय सभा अध्यक्ष माओवादीकै हुन्छ : जनार्दन शर्मा
Leave a Reply