उपनिर्वाचन : आजदेखि निर्वाचन आचारसंहिता लागू

२४ चैत्र २०७९, शुक्रबार ०१:५० बुधवार साप्ताहिक, नयाँबानेश्वर, काठमाण्डौं

उपनिर्वाचन : आजदेखि निर्वाचन आचारसंहिता लागू

२४ चैत, काठमाडौं । आउँदो बैशाख १० गते हुने प्रतिनिधिसभा सदस्य उपनिर्वाचनको लागि आचारसंहिता लागू भएको छ ।
निर्वाचन आयोगले चितवन, बारा र तनहुँ जिल्लाभर आजबाट निर्वाचन सम्पन्न नभएसम्मका लागि आचारसंहिता लागू हुने जनाएको छ ।

वैशाख १० गते हुने प्रतिनिधि सभा सदस्य उपनिर्वाचनका लागि निर्वाचन आयोले निर्वाचन आयोग ऐन, २०७३ को दफा २२ तथा निर्वाचन आचारसंहिता, २०७९ को दफा १ को उपदफा (२) ले दिएको अधिकार प्रयोग गरी चितवन, बारा र तनहुँ जिल्लाभर देहायका व्यक्ति, निकाय तथा अधिकारीलाई संवत् २०७९ साल चैत २४ गतेदेखि निर्वाचन सम्पन्न नभएसम्मका लागि निर्वाचन आचारसंहिता, २०७९ को सम्पूर्ण व्यवस्था लागू गर्ने निर्णय गरेको छ, निर्वाचन आयोगका प्रवक्ता शालिग्राम शर्मा पौडेलले बिहीबार एक विज्ञप्ति जारी गर्दै भनेका छन् ।

क–कसलाई लाग्छ आचारसंहिता ?

(क) नेपाल सरकार र नेपाल सरकारका मन्त्री

(ख) प्रदेश सरकार र प्रदेश सरकारका मन्त्री

(ग) संवैधानिक निकाय र सो निकायका पदाधिकारी

(घ) नेपाल सरकार वा प्रदेश सरकारका निकाय र सो निकायका पदाधिकारी

(ङ) स्थानीय कार्यपालिका र सोका सदस्य

(च) संघ, प्रदेश र स्थानीय तहका कर्मचारी

(छ) सुरक्षा निकाय, सुरक्षाकर्मी तथा कर्मचारी

(ज) सरकारी, अर्धसरकारी तथा सार्वजनिक संस्थाको कार्यालय र कर्मचारी

(झ) राजनीतिक दल तथा राजनीतिक दलको भातृ सङ्गठन

(ञ) उम्मेदवार तथा सम्बन्धित व्यक्ति

(ट) राजनीतिक दल तथा उम्मेदवारको मतदान प्रतिनिधि तथा मतगणना प्रतिनिधि