२ बैशाख २०८०, शनिबार १३:२२ बुधवार साप्ताहिक, नयाँबानेश्वर, काठमाण्डौं

रौतहटमा गोली चल्यो : एकको मृत्यु, तीन जना घाइते

२ वैशाख, रौतहट । रौतहटको गढीमाईमा नगरपालिकामा जग्गाको विषयमा विवाद हुँदा गोली हानाहान हुँदा एक जनाको मृत्यु भएको छ । धनगढीमाई नगरपालिका–८ धोबिनियामा जग्गाका विषयमा विवाद हुँदा दुई समूहबीच शनिबार गोली हानहान भएको हो ।

गोली लागेर एक जनाको मृत्यु भएको छ भने तीन जना घाइते भएका छन् । गोली लागेर धनगढीमाई नगरपालिका–८ का रामकुमार रायको मृत्यु भएको जिल्ला प्रहरी कार्यालय, रौतहटले जनाएको छ ।

घाइते भएका तीनै जनाको गरुडास्थित ग्रान्डी अस्पतालमा उपचार भइरहेको छ । गोली लागेका रायलाई तत्कालै अस्पताल लगिएको थियो । अस्पताल पुग्ने वितिक्कै चिकित्सकले मृत घोषणा गरेको प्रहरीले जनाएको छ । घटनाको विस्तृत विवरण आउन बाँकी नै छ ।