१९ बैशाख २०८०, मंगलवार १३:०९ बुधवार साप्ताहिक, नयाँबानेश्वर, काठमाण्डौं

बझाङमा हिमपहिरो, यार्सागुम्बा खोज्न गएकी एक महिलामा बेपत्ता

१९ वैशाख, बझाङ । बझाङमा हिमपहिरोमा परेर यार्सागुम्बा खोज्न गएकी एक महिला बेपत्ता भएकी छन् । बझाङको सुर्मा गाउँपालिका–१ देवडी घर भएकी ३३ वर्षीया झलनादेवी बोहरा हिमपहिरोमा परी बेपत्ता भएकी हुन् ।

उनी सुर्मा गाउँपालिकाको पार्थी हिमालको वनमा यार्सागुम्बा संकलन गर्न गएको समय बेपत्ता भएको खबर आएको जिल्ला प्रहरी कार्यालय बझाङका सूचना अधिकारी रमेशदत्त अवस्थीले जानकारी दिएका छन् । सोमबार राति हिमपहिरो खस्न थालेपछि भाग्ने क्रममा उनी बेपत्ता भएको बताइएको छ ।

उनको साथमा रहेका दुई वटा छोरा भने सकुसल घर पुगेको स्थानीयलाई उधृत गर्दै प्रहरीले जनाएको छ । घटनाबारे जानकारी लिने काम भइरहेको प्रहरीले बताएको छ । खोजीका लागि प्रहरी टोली परिचालन भएको छ ।