२४ बैशाख २०८०, आईतवार ००:५० बुधवार साप्ताहिक, नयाँबानेश्वर, काठमाण्डौं

सोमबारका लागि संवैधानिक परिषदको बैठक बोलाइयो

२४ वैशाख, काठमाडौँ । संवैधानिक परिषद्को बैठक बोलाइएको छ । सोमबार (भोलि) साँझ ६ बजेका लागि प्रधानमन्त्री कार्यालय सिंहदरबारमा बस्ने गरी परिषद्को बैठक बोलाइएको हो ।

शनिबार दिउँसो प्रधानमन्त्री प्रचण्ड र नेकपा एमालेका अध्यक्ष केपी शर्मा ओलीबीच भेटवार्ता भएको थियो । उनीहरूबीचको भेटघाटपछि सोमबार साँझ बस्ने गरी परिषद्को बैठक डाकिएको हो । सोमबार साँझ ६ बजे संवैधानिक परिषद्को बैठक बोलाइएको छ, स्रोतले भन्यो, ‘प्रधानन्यायाधीश नियुक्तिको विषयमा छलफल हुनेछ । प्रधानन्यायाधीश नियुक्तिको सिफारिसका लागि यसअघि बसेको बैठक निष्कर्षविहीन सकिएको थियो ।

शनिबार सिंहदरबारमा ओलीसँगको भेटपछि प्रधानमन्त्री प्रचण्डसहित सत्ता गठबन्धनका शीर्ष सर्वोच्च बारका प्रतिनिधिहरूसँग छलफल गरेका थिए । नागरिकता विधेयक, प्रधानन्यायधीश नियुक्ति लगायतका विषयमा अधिवक्ताहरूसँग छलफल गरिएको थियो ।