२ जेष्ठ २०८०, मंगलवार ०६:१० बुधवार साप्ताहिक, नयाँबानेश्वर, काठमाण्डौं

प्रधानमन्त्री र सभामुखबीच भेटवार्ता

२ जेठ, काठमाडौं । प्रधानमन्त्री पुष्पकमल दाहाल ‘प्रचण्ड’ र प्रतिनिधि सभाका सभामुख देवराज घिमिरेबीच भेटवार्ता भएको छ ।
प्रधानमन्त्री निवास बालुवाटारमा भएको भेटमा संसद् बैठक, नीति तथा कार्यक्रम र बजेटबारे छलफल भएको जानकारी दिइएको छ ।

भेटमा प्रधानमन्त्री प्रचण्डले सभामुख घिमिरेलाई सरकारले शुक्रबार नीति तथा कार्यक्रम ल्याउन लागेको जानकारी दिएका थिए । सभामुख घिमिरेले संसद सञ्चालनका लागि सबै दलसँग समन्वय र सहकार्य गरिरहेको विषय सराहनीय रहेको भन्दै प्रधानमन्त्रीले प्रशंसा गरेका थिए ।

यस क्रममा प्रधानमन्त्री प्रचण्डले सरकारकाले यही जेठ ५ गते नीति तथा कार्यक्रम प्रस्तुत गर्ने तयारी गरेको जानकारी पनि गराए । उता सभामुख घिमिरेले पनि सदन सञ्चालनका लागि सरकार र राजनीतिक दलका तर्फबाट प्राप्त सहयोगका लागि धन्यवाद व्यक्त गरे ।

आजबाट समितिको बैठकहरु उत्साहपूर्ण रुपमा सुरु भएका छन्’, उनले भने, ‘संसद् सचिवालयले नीति तथा कार्यक्रम र बजेटको तयारी गरिसकेको छ ।सभामुख घिमिरेले सांसदहरुबाट सदनमा उठेका विषयमा सरकारले जवाफ नदिएको गुनासो सुनाउँदै थपे, ‘प्रधानमन्त्रीले गम्भीरतापूर्वक लिनुहुन्छ भन्ने विश्वास लिएको छु ।