२३ जेष्ठ २०८०, मंगलवार १०:४४ बुधवार साप्ताहिक, नयाँबानेश्वर, काठमाण्डौं

अर्थमन्त्रीलाई ‘शंकाको सुविधा’ दिन सकिन्छ : ओली

२३ जेठ, काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले करको दर हेरफेरमा स्पष्टीकरण दिएका अर्थमन्त्रीलाई शंकाको सुविधा दिन सकिने बताएका छन् । अर्थमन्त्रीको जवाफपछि विनियोजन विधेयकका सिद्धान्त र प्राथमिकतामाथिको छलफलमा पहिलो सहभागी बनेका नेता ओलीले करका दरमा भने प्रश्न रहेको बताए ।

अर्थमन्त्रीले जवाफ दिनेक्रममा कसम खानु भएन । कसम खानेहरु बडा खतरनाक हुन्छन्, ओलीले भने, त्यसकारण अर्थ मन्त्रीज्यूलाई ‘बेनिफिट अफ डाउट’ दिन सकिन्छ । उनले अर्थमन्त्रीको भनाइबाट त्यस्तो देखिए पनि करका दर हेर्दा भने शंका गर्न सकिने बताए । एक हजार १०० गाडी एक दिनअघि भित्रिएको भन्दै त्यसले शंका जन्माएको बताए ।