२५ जेष्ठ २०८०, बिहीबार १२:०७ बुधवार साप्ताहिक, नयाँबानेश्वर, काठमाण्डौं

कोशी नामाकरणविरुद्धको आन्दोलनमा प्रचण्डको संलग्नता छ : अध्यक्ष ओली

२५ जेठ,काठमाडौं । प्रमुख प्रतिपक्षी नेकपा (एमाले) का अध्यक्ष केपी शर्मा ओलीले सरकारले पहिचानवादीहरुलाई भड्काएर एमालेमाथि आक्रमण गराइरहेको आरोप लगाएका छन् । आज (बिहीबार) पार्टी केन्द्रिय कार्यालय च्यासलमा नेकपा (एकीकृत समाजवादी) पार्टी परित्याग गरी एमालेमा समाहित भएका मुकुन्द न्यौपानेसहितका नेता, कार्यकर्तालाई स्वागत गर्दै उनले यस्तो बताएका हुन् ।

अध्यक्ष ओलीले पहिचानवादीका नाममा एमालेमाथि देशभर नै हमला गरिरहेको बताए । उनले कोशी प्रदेशमा सत्ता संरक्षित अपराधिक घटनाहरु भइरहेको दाबी गरे । उनले पहिचानवादीका नाममा सत्तापक्ष नै मुठभेड गराउन लागिपरेको भन्दै अब नेकपा एमाले प्रतिवादमा उत्रिने चोवनी दिएघ । उनले एमालेले पहिचानका नाममा भइरहेका अपराधिक क्रियाकलापको सामना गर्न नडराउने बताए ।

अध्यक्ष ओलीले नेपाललाई जातिजातिका नाममा दंगा फसाद गराउने षड्यन्त्रबाट प्रधानमन्त्री पुष्पकमल दाहाल ‘प्रचण्ड’ ले देशभर पहिचानको विष फैल्याउने कोशिस गरे पनि सफल नबनेको बताए । पहिचानवादको संरक्षक पुष्पकमलवादीहरु भएको भन्दै प्रचण्डप थ देशद्रोही र अपराधी पथ भएको जिकिर गरे । अध्यक्ष ओलीले प्रधानमन्त्री दाहालले कोशी प्रदेशको नाम आफै सहमतिका साथ राखेर देशमा आन्दोलन भड्काउन फेरि पहिचानवादीको पक्ष लिइरहेको बताए ।