४ असार २०८०, सोमबार १२:४२ बुधवार साप्ताहिक, नयाँबानेश्वर, काठमाण्डौं

ओली र चिनियाँ राजदूत चेत सोङ बिच भेटवार्ता

४ असार, काठमाडौं । नेपालका लागि चिनियाँ राजदूत चेत सोङले सोमबार प्रमुख प्रतिपक्षी नेकपा एमालेका अध्यक्ष केपी शर्मा ओलीसँग संवाद गरेका छन्।

एमाले केन्द्रीय कार्यालय च्यासलमा पुगेर राजदूत सोङले सोमबार दिउँसो ओलीसँग वार्ता गरेका हुन्।

राष्ट्रियसभा गृहमा नेकपा माओवादी केन्द्र, नेकपा एकीकृत समाजवादी पार्टी र नेपाल कम्युनिष्ट पार्टीसहितले समाजवादी मोर्चा घोषणा गर्नुअघि चिनियाँ राजदूत र ओलीबीच वार्ता भएको हो।

आगामी अगस्टमा चीन भ्रमणका लागि निस्कनुअघि प्रधानमन्त्री पुष्पकमल दाहाल प्रचण्डले मोर्चा घोषणा या पार्टी एकता पहल गर्ने योजना बनाएका थिए। त्यहीअनुसार सोमबार राष्ट्रियसभा गृहमा समाजवादी मोर्चा घोषणा हुँदैछ।