५ असार २०८०, मंगलवार १०:२९ बुधवार साप्ताहिक, नयाँबानेश्वर, काठमाण्डौं

राष्ट्रपति पौडेलको मुटुको शल्यक्रिया, राखियो पेसमेकर

५ असार,काठमाडौँ । राष्ट्रपति रामचन्द्र पौडेलको मुटुको शल्यक्रिया गरिएको छ । महाराजगञ्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा उपचाररत राष्ट्रपति पौडेलको मंगलबार दिउँसो मुटुको शल्यक्रिया गरिएको हो ।

गत शनिबार राति अचानक स्वास्थ्य अवस्था असामान्य बनेपछि राष्ट्रपति पौडेललाई अस्पताल पुर्‍याइएको थियो । त्यसयता निरन्तर चिकित्सकहरुको निगरानीमा अस्पतालको सीसीयूमा राखेर उपचार भइरहेकोमा मंगलबार दिउँसो मुटुको शल्यक्रिया भएको हो । राष्ट्रपतिको मुटुको शल्यक्रिया गरेर पेसमेकर राखिएको छ । पेसमेकर मुटुको चाल स्थिर बनाउने सानो यन्त्र हो।

वैशाख ५ गते राष्ट्रपति रामचन्द्र पौडेलको फोक्सोमा समस्या आएपछि शिक्षण अस्पतालमा पुनः भर्ना गरिएको थियो। सोही समयमा छातीमा संक्रमण देखिएपछि चिकित्सकको सल्लाहअनुसार वैशाख ६ गते उनलाई थप उपचारका लागि भारत लगिएको थियो।

भारतको दिल्लीस्थित अल इण्डिया इन्स्टिच्युट अफ मेडिकल साइन्सेस (एम्स) मा लामो उपचारपछि उनी वैशाख १७ गते डिस्चार्ज डिस्चार्ज भएका थिए।