आईसीसी विश्वकप छनोट :नेपालले आज नेदरल्यान्ड्ससँग प्रतिस्पर्धा गर्दै
९ असार, काठमाडौं । आईसीसी विश्वकप छनोटअन्तर्गत समूह चरणको आफ्नो अन्तिम खेलमा नेपालले आज (शनिबार) नेदरल्यान्ड्ससँग प्रतिस्पर्धा गर्दै छ।
जिम्बावेको ताकासिंगा क्रिकेट स्पोर्ट्स् क्लबमा हुने खेल नेपाली समयानुसार दिउँसो पौने १ बजे सुरु हुनेछ।
सुपर सिक्समा पुग्ने यात्रा कायम राख्न नेपालले नेदरल्यान्ड्सलाई हराउनैपर्छ। आजको खेलमा हारे नेपाल समूह चरणबाटै बाहिरिनेछ। नेपाल र नेदरल्यान्ड्समध्ये १ टोलीले सुपर सिक्समा स्थान बनाउनेछन्।
नेदरल्यान्ड्सलाई हराएको अवस्थामा नेपाल सुपर सिक्समा पुग्ने बलियो सम्भावना रहन्छ। यस्तोमा नेदरल्यान्ड्सको खेल पनि कुर्नुपर्ने हुन्छ। समूह चरणको अन्तिम खेलमा नेदरल्यान्ड्सले वेस्ट इन्डिजसँग खेल्दै छ। जसमा नेदरल्यान्ड्स हानुपर्ने हुन्छ।
नेपाल पहिलो खेलमा घरेलु टोली जिम्बावेसँग ८ विकेटले हारेको थियो। दोस्रो खेलमा अमेरिकालाई ६ विकेटले हराएको नेपालले तेस्रो खेलमा वेस्टइन्डिजसँग १ सय १ रनको फराकिलो हार भोग्यो।
यस्तै नेदरल्यान्ड्स पनि पहलो खेलमा जिम्बावेसँग ६ विकेटले हारेको थियो। अमेरिकालाई भने ५ विकेटले हराएको थियो। आजको खेलमा नेपाललाई हराए नेदरल्यान्ड्स शीर्ष ३ मा रहेर सुपर सिक्समा पुग्नेछ भने नेपालको यात्रा टुंगिनेछ।
अंक तालिका
समूह एमा रहेको वेस्ट इन्डिज २ खेलबाट ४ अंक जोड्दै शीर्ष स्थानमा छ। समान खेलबाट ४ अंक बनाएको जिम्बावे नेटरनरेटका आधारमा दोस्रो स्थानमा छ। एक खेलमा जित र एक खेलमा हार भोगेको नेदरल्यान्ड्स २ अंकका साथ तेस्रो स्थानमा छ। २ खेलमा हार र १ खेलमा जित हासिल गरेको नेपाल २ अंकका साथ चौथो स्थानमा छ। लगातार ३ खेलमा पराजित अमेरिका भने सुपर सिक्सको दौडबाट बाहिरिसकेको छ।
समूह बीमा २ खेलबाट ४ अंक बनाएको ओमान शीर्ष स्थानमा छ। समान २ अंक भए पनि नेटरनरेटका कारण श्रीलंका दोस्रो र स्कटल्यान्ड तेस्रो स्थानमा छ। समान दुई खेलमा हार भोगेका आयरल्यान्ड चौथो र यूएई अंक तालिकाको पुछारमा छन्।
सम्बन्धित समाचार
- दुई वर्ष प्रचण्ड नै प्रधानमन्त्री, त्यसपछि ओली
- बालुवाटारमा प्रचण्ड र ओलीबीच एक घण्टा वार्ता
- राष्ट्रियसभाका अध्यक्षसहित २० सांसदको पदावधि आजदेखि सकिने
- चितवनमा जनतासँग एमाले कार्यक्रम शुरु
- निजगढमा विष्फोट हुँदा एकको मृत्यु, पाँच घाइते
- कान्तिपुरविरुद्ध रविको उजुरी
- कांग्रेसको मधेश प्रदेश सम्मेलन आजदेखि सुरु
- एमालेले पुस ८ गते पत्रकार सम्मेलन गर्ने
- बार्दली रेष्टुरेन्टमा महानगरको डोजर
- माओवादी केन्द्रको पदाधिकारी बैठक बस्दै
- एमालेको संकल्प यात्राले किन भोली एक दिनका लागि मध्यपहाडी रुट छाड्दैछ ?
- बोलेरोले ठक्कर दिँदा शिक्षक र लेखापालको मृत्यु
Leave a Reply