२५ असार २०८०, सोमबार ०९:५७ बुधवार साप्ताहिक, नयाँबानेश्वर, काठमाण्डौं

प्रधानमन्त्रीले संसदमा बोल्ने, एमालेले सदनमा अवरोध नगर्ने

२५ असार, काठमाडौं । नेकपा एमालेले संसद खुलाउन दिने भएको छ । प्रधानमन्त्रीसँगको छलफलपछि एमाले संसदीय दलको बैठकले सदन खुलाउन दिने निर्णय गरेको सो पार्टीका प्रमुख सचेतक पदम गिरीले जानकारी दिए ।

एमाले संसदीय दलको बैठकअघि प्रधानमन्त्री प्रचण्ड, कांग्रेस सभापति शेरबहादुर देउवा र एमाले अध्यक्ष केपी ओलीबीच छलफल भएको थियो । छलफलमा प्रधानमन्त्रीले आत्मालोचनासहित अभिव्यक्ति सच्याउने र प्रधानमन्त्री कार्यालयबाट जारी वक्तव्यमा दुख व्यक्त गर्ने सहमति भएपछि सदन खुलाउन दिने निर्णय भएको गिरीले जानकारी दिए ।

संसदीय दलको बैठकपछि गिरीले भने, ‘प्रधानमन्त्रीले आत्मालोचनासहित अभिव्यक्ति सच्याउनु हुन्छ, वक्तव्यमा दुःख व्यक्त गर्नुहुन्छ भनेर अध्यक्षले जानकारी गराउनु भयो । हामीले सदन खुलाउन दिने निर्णय गरेका छौं ।