८ श्रावण २०८०, सोमबार ०७:२३ बुधवार साप्ताहिक, नयाँबानेश्वर, काठमाण्डौं

कोशी सरकार गठनविरुद्धको रिट न्यायाधीश माथेमा र श्रेष्ठको इजलासमा

८ साउन, काठमाडौं । कोशी प्रदेशका मुख्यमन्त्री उद्वव थापाको नियुक्तिविरूद्व सर्वोच्च अदालतमा परेको रिटको सुनुवाई आज (सोमबार) हुँदैछ ।

सुनुवाई न्यायाधीशद्वय सुष्मालता माथेमा र तिलप्रसाद श्रेष्ठको संयुक्त इजलासमा परेको छ । सरकार गठनमा सभामुख बाबुराम गौतमले पनि हस्ताक्षर गरेपछि पूर्व मुख्यमन्त्री तथा एमाले संसदीय दलका नेता हिक्मतकुमार कार्कीले रिट दर्ता गराएका थिए ।
संवैधानिक रुपमा सरकार गठन भएको दावी गर्दै कार्कीले आफूलाई पुनः मुख्यमन्त्री नियुक्त गर्न परामादेशको माग गरेका छन् ।