१८ आश्विन २०८०, बिहीबार ०५:३१ बुधवार साप्ताहिक, नयाँबानेश्वर, काठमाण्डौं

एमाले गण्डकीमा १२ बजेदेखि मतदान, अध्यक्षमा नवराज र मायानाथबीच प्रतिस्पर्धा

१८ अशोज, पोखरा । सर्वसम्मत नेतृत्व चयन गर्न नसकेपछि नेकपा एमालेको जारी प्रथम गण्डकी अधिवेशनमा आज १२ बजेबाट मतदान प्रकृया शुरु हुने भएको छ । प्रदेश अध्यक्षमा नवराज शर्मा र मायानाथ अधिकारीबीच भिडन्त हुने भएको छ ।

निर्वाचन मण्डलले सार्वजनिक गरेको उम्मेदवारको अन्तिम सूचीअनुसार हालका अध्यक्ष शर्मा र केन्द्रीय सदस्य अधिकारीले अध्यक्षमा प्रतिस्पर्धा गर्नेछन् ।शर्मालाई उपमहासचिव पृथ्वीसुब्बा गुरुङ र अधिकारीलाई स्थायी कमिटी सदस्य खगराज अधिकारी पक्षको समर्थन छ । मीनप्रसाद गुरुङ र बाबुरामराम विकले उपाध्यक्षमा र धनञ्जय दवाडी र रश्मि आचार्यले सचिवमा प्रतिस्पर्धा गर्नेछन् । उचसचिवमा दामबहादुर विक र सन्तोष रावल, उपसचिव महिलातर्फ मञ्जु अधिकारी र मिना गुरुङबीच प्रतिस्पर्धा हुनेछ ।

अधिवेशनका लागि प्रदेशका ११ जिल्लाबाट ९ सय ७ प्रतिनिधि छन् ।