१९ आश्विन २०८०, शुक्रबार ०३:५२ बुधवार साप्ताहिक, नयाँबानेश्वर, काठमाण्डौं

एमाले गण्डकीमा नवराज शर्मा प्यानलसहित विजयी

१९ अशोज, काठमाडौं । नेकपा एमाले गण्डकी प्रदेश प्रथम अधिवेशनबाट अध्यक्षमा म्याग्दीका नवराज शर्मा विजयी भएका छन् । अध्यक्षका अर्का प्रत्यासी लमजुङका मायानाथ अधिकारीलाई पराजित गर्दै नवराज अध्यक्ष विजयी भएका हुन् ।

नवराजले ५ सय ३१ र अधिकारीले ३ सय ६५ मत प्राप्त गरे । उपाध्यक्षमा नवराज प्यानलकै स्याङ्जाका मिनप्रसाद गुरुङ निर्वाचित भएका छन् ।

गुरुङले ५ सय ३४ र उनका प्रत्यासी नवलपुरका बाबुराम विश्वकर्माले ३ सय ६२ मत प्राप्त गरे । सचिवमा लमजुङका धनज्वय दवाडीले ५ सय २० मत लिएर विजयी भए । उपसचिवमा कास्कीका दामबहादुर विक निर्वाचित भएका छन् । उपसचिव महिलातर्फ पर्वतकी मन्जु अधिकारीले ५ सय ३१ मत लिएर विजयी भएकी छन् ।