२६ आश्विन २०८०, शुक्रबार ०७:१० बुधवार साप्ताहिक, नयाँबानेश्वर, काठमाण्डौं

एमाले मधेस प्रदेश अध्यक्षमा चन्देश्वर मण्डल सर्वसम्मत

२६ आश्विन,काठमाडौं । नेकपा एमाले मधेस प्रदेशको पदाधिकारीमा सर्वसम्मत भएको छ । अध्यक्षमा सिराहाका चन्देश्वर मण्डल सर्वसम्मत भएका छन् ।

उपाध्यक्षमा पर्साका विचारी यादव छानिएका छन् । उनी संविधान सभा सदस्य हुन्। उनी पहिला माधवकुमार नेपाल समूहमा थिए । सचिवमा बाराका मनोज पौडेल सर्वसम्मत भएका छन् । त्यस्तै, उपसचिवमा रौतहटकी आरती भण्डारी र धनुषाका मोहम्मद कैस सर्वसम्मत भएका छन् ।

‘एमाले मधेस प्रदेश अधिवेशनले २ सय ३५ सदस्यीय पदाधिकारी चयन गर्ने छ । आज बेलुकासम्म सदस्यहरूको टुंगो लाग्ने अध्यक्ष मण्डलले जानकारी दिएको छ ।

मधेस प्रदेश अधिवेशन बुधबारबाट जनकपुरमा सुरू भएको हो ।