२३ असार २०७८, बुधबार ०८:०१ बुधवार साप्ताहिक, नयाँबानेश्वर, काठमाण्डौं

कार्यदलको बैठक सकियो, आज ओली–नेपाल भेट्ने

२३ आषाढ, काठमाडौं । सत्तारुढ दल नेकपा (एमाले)भित्रको विवाद मिलाउन बसेको कार्यदलको आजको बैठक सकिएको छ । कार्यदलका सदस्य सुवास नेम्वाङका अनुसार आज थप छलफल र परामर्सका लागि दिनभरको समय चाहिने भएकाले आजको बैठक सकिएको हो । उनले भोलीसम्ममा विवाद समाधानको यो प्रयास सकरात्मक निष्कर्षमा पुग्नेछ ।

कार्यदलको बैठक भोली ११ बजे बस्ने पनि उनले बताए । नेता नेम्वाङका अनुसार आज आवश्यकता अनुसार पार्टी अध्यक्ष केपी शर्मा ओली र वरिष्ठ नेता माधवकुमार नेपालवीच पनि भेटघाट र कुराकानी हुन सक्नेछ ।

कार्यदलले पार्टी एकताको मस्यौदालाई करिव अन्तिमरुप दिइएको बताईएको छ । उक्त मस्यौदा अध्यक्ष र वरिष्ठ नेतालाई देखाएर आवश्यक परिमार्जनसहित अन्तिम रुप दिने तयारी भइरहेको छ ।