२ भाद्र २०७८, बुधबार १०:२२ बुधवार साप्ताहिक, नयाँबानेश्वर, काठमाण्डौं

अष्टलक्ष्मी शाक्य वागमती प्रदेशको मुख्यमन्त्री बन्दै

२ भदौ, काठमाडौं । नेकपा एमालेका उपाध्यक्ष अष्टलक्ष्मी शाक्य वागमती प्रदेश संसदीय दलको नेता चयन भएकी छन् । मुख्यमन्त्रीसमेत रहेका दलका नेता डोरमणि पौडेलले राजीनामा दिएपछि आज बसेको प्रदेश संसदीय दलको बैठकले शाक्यलाई नेता चयन गरेको हो ।

एक सय नौ सदस्यीय प्रदेशसभामा एमाले एक्लैको बहुमत छ । एमालेका ५५ जना प्रदेशसभा सदस्यहरु छन् ।

दलको नेता चयनसँगै अब उनी मुख्यमन्त्री बन्नेछिन् । स्रोतका अनुसार मुख्यमन्त्री पौडेलले भोली विहीबार सो पदबाट पनि राजीनामा दिनेछन् । त्यसपछि शाक्यलाई मुख्यमन्त्री बनाउने प्रकृया शुरु हुनेछ ।

यसअघि शाक्य एमालेभित्र माधवकुमार नेपाल समूहमा थिइन् ।