९ भाद्र २०७८, बुधबार ०६:४२ बुधवार साप्ताहिक, नयाँबानेश्वर, काठमाण्डौं

लोकतान्त्रिक समाजवादी पार्टीका नेताहरु सनाखतका लागि निर्वाचन आयोगमा

९ भदौ, काठमाडौं । प्रस्तावित लोकतान्त्रिक समाजवादी पार्टीका नेताहरु दर्ता सनाखतका लागि निर्वाचन आयोगमा पुगेका छन् । पार्टीका अध्यक्ष महन्त ठाकुर र राजेन्द्र महतोसहितका नेताहरु आयोग पुगेका हुन् ।

आफूहरुसँग १५ जना संघीय सांसदहरु रहेको नेता महतोले बताए । पुरानो कार्यकारिणी समितिबाट ३१ जना र रेशम चौधरीको नाम सनाखत गरिने उनले जानकारी दिए ।

महतोले शक्ति निर्माण होला भनेर उपेन्द्र यादवको पार्टीसँग एकता गरे पनि त्यो सफल नभएको बताए । अब आफ्नो लक्ष्यका लागि अघि बढ्न सहज बाटो खुलेको उनको भनाइ छ ।