११ भाद्र २०७८, शुक्रबार ०२:२५ बुधवार साप्ताहिक, नयाँबानेश्वर, काठमाण्डौं

नारायणगढ–मुग्लिन सडक बन्द, पहिरो पन्छाउन शुरु

११ भदौं,काठमाडौं । चितवनको सेती दोभानमा पहिरो खस्दा नारायणगढ–मुग्लिन सडक पूर्ण रुपमा बन्द भएको छ । नारायणगढ–मुग्लिन सडक खण्डको सेती दोभानमा पहिरो खस्दा दुईतर्फी रुपमा सडक बन्द भएको जिल्ला ट्राफिक प्रहरी कार्यालय चितवनले जनाएको छ ।

अविरल परेको वर्षाका कारण राति करिब ८ बजेको समयमा भरतपुर महानगरपालिका–२९ सेती दोभानमा पहिरो खसेकाले नारायणगढ–मुग्लिङ सडक खण्ड पूर्ण रुपमा अवरुद्ध भएको ट्राफिक प्रहरी कार्यालयले चितवनका प्रहरी निरीक्षक भगवान राज थापाले बताएका छन ।

पहिरोका कारण दुईतर्फी सडक अवरुद्ध बनेकाले यातायात सेवा ठप्प भएको छ । सडकको माथिल्लो भागबाट ठूलो पहिरो खसेकाले तत्काल पहिरो गएको स्थानमा जान सक्ने अवस्था नरहेको उनले बताए । बिहान ५ बजेबाट पहिरो पन्छाउने कार्य शुरु गरिएको छ ।