२१ भाद्र २०७८, सोमबार १२:२८ बुधवार साप्ताहिक, नयाँबानेश्वर, काठमाण्डौं

‘तुइन’ प्रकरणमा सरकार नबोलेको भन्दै ओलीको कटाक्ष : घरको बाघ, वनको स्याल

२१ भदौं, काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले आफ्ना नागरिक तुइनबाट खसालिँदा पनि सरकार चुइक्क बोल्न नसकेको आरोप लगाएका छन् ।
युवा संघले आज (सोमबार) राजधानीमा आयोजना गरेको कार्यक्रमलाई सम्बोधन गर्दै अध्यक्ष ओलीले तुइनबाट खसालेको भनेर प्रतिवेदन आउँदा पनि सरकारले केही बोल्न नसकेको बताए । भारतले यसबारे थाहा छैन भनेको भन्दै उनले अघि भने, यो सरकारले थाहा दिन सक्दैन । सडकमा आएका युवाहरुलाई लाठी बर्साउने सरकारले भारतसँग चुइक्क नबोलेको भन्दै उनले भने, यसलाई भन्छ घरको बाघ, वनको स्याल ।

‘भुलचुकले कपाल फुल्यो, म आफूलाई युवा नै ठान्छु’
अध्यक्ष ओलीले आफूले आफूलाई युवा नै ठान्ने गरेको बताएका छन् । कार्यक्रममा उनले आफ्नो भुलचुकले कपाल फुलेको बताए । ‘युवा संघको पनि म अध्यक्ष नै हो । म अहिलेसम्म भुलचुकले कपाल फुल्यो बेग्लै कुरा हो । तर, म आफूलाई युवा–युवा ठान्छु ।

कार्यक्रममा ओलीले एमाले सरकारबाट हटे पनि जनता आफ्नै पार्टीमा आइरहेको दाबी गरे । ‘नेकपा एमालेलाई स–साना झुण्ड मिलेर । जालझेल गरेर खेद्न खोज्छन् । एमाले सरकारबाट हटेको छ । जनता एमालेमा प्रवेश गरेको छ’, उनले भने । एमाले सरकारमा भए नभएमा फरक नपर्ने उनले बताए ।