१७ पुष २०७८, शनिबार ०९:४३ बुधवार साप्ताहिक, नयाँबानेश्वर, काठमाण्डौं

केन्द्रीय सदस्यमा सकेसम्म सहमति, नमिले चुनाव हुन्छ : प्रचण्ड

१७ पुस, काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले केन्द्रीय सदस्य चयन सहमतिबाटै गरिने बताएका छन् ।
बन्द सत्र हलमा अध्यक्ष प्रचण्डले क्लस्टर र खुल्ला सदस्यमा सहमतिबाट चयन गर्ने प्रयास भइरहेको जानकारी दिएका छन् । सहमतिका लागि साँझ ५ बजेसम्मको समय दिइएको उल्लेख गर्दै प्रचण्डले सहमति नभए लोकतान्त्रिक विधिअनुसार नेतृत्व चयन हुने र जनवाद लागू गरिने बताए ।

उनले भने, सहमतिका लागि ५ बजेसम्मको समय दिइएको छ । सहमति नभए निर्वाचन प्रक्रिया शुरु हुन्छ । हामी जरुरी पर्दा कुनै पनि लोकतान्त्रिक प्रयास गर्ने गर्दर्छौ । तर जस्तोसुकै लोकतन्त्रमा पनि सहमतिको प्रयास हुन्छ । दुई घण्टामा सहमति नजुटे प्रक्रियामा जाने उनले बताए । भूगोलबाट सात र एक गैरभौगोलिकबाट गरी ८ प्रदेशभित्र तोकिए कोटा अनुसार ५ बजे प्यानल पेस गरिने छ । सहमति नजुट्ने प्रदेशको हकमा निर्वाचन हुने बताइएको छ ।