२ फाल्गुन २०७८, सोमबार ०७:२४ बुधवार साप्ताहिक, नयाँबानेश्वर, काठमाण्डौं

एमाले संसदीय दलको बैठक सुरु

२ फागुन, काठमाडौं । सत्तारुढ तीन दलले प्रधानन्यायाधीश चोलेन्द्र शमशेर जबराविरुद्ध संघीय संसद् सचिवालयमा महाभियोग प्रस्ताव दर्ता गरेपछि उत्पन्न राजनीतिक परिस्थितिबारे छलफलका लागि आयोजित प्रमुख प्रतिपक्षी नेकपा एमालेको संसदीय दलको बैठक सुरु भएको छ।

बिहान ११ बजेकै लागि बोलाइएको बैठक केही ढिला गरी सुरु भएको हो।

सत्ता गठबन्धनले प्रधानन्यायाधीश जबराविरुद्ध महाभियोग प्रस्ताव दर्ता गरेपछि जवाफस्वरूप एमालेले पनि शेरबहादुर देउवालाई प्रधानमन्त्री बनाउने तथा प्रतिनिधि सभा पुनःस्थापनाको फैसला गर्ने सर्वाेच्च अदालतका चार न्यायाधीशविरुद्ध महाभियोग लगाउने तयारी गरेकाे चर्चा छ।
तर एमालेका प्रमुख सचेतक विशाल भट्टराईले यस विषयमा अहिले भन्न नसकिने, बैठकले निर्णय गरेपछि मात्रै भन्न सकिने बताए।

सर्वोच्च अदालतका ४ न्यायाधीशमाथिको महाभियोग दर्ताबारे त्यही बैठकले निर्णय गर्नेछ। अहिलेसम्म दर्ताबारे कुनै निर्णय भएको छैन, बैठक सुरु हुनअघि उनले भने, बाहिर आएका हल्ला मात्र हुन्।