२० फाल्गुन २०७८, शुक्रबार ११:०७ बुधवार साप्ताहिक, नयाँबानेश्वर, काठमाण्डौं

माओवादी वैठकमा नारायणकाजीको गुनासो : अध्यक्ष प्रचण्डले नै पार्टी छोड भन्नु भयो

२० फागुन, काठमाडौं । नेकपा माओवादी केन्द्रका नेता नारायणकाजी श्रेष्ठले पार्टीमा व्यक्तिवादी प्रवृत्ति हाबी भएको बताएका छन् ।
शुक्रबार पार्टीको केन्द्रीय कमिटी बैठकमा प्रस्तुत लिखित भनाइमा श्रेष्ठले पार्टीमा ‘दलाल तथा नोकर पुँजीवादीहरूको साँठगाँठ बढेको’ समेत बताएका छन् ।

हाम्रो मुख्य समस्या वैचारिक संस्कृतिमा भयो । पार्टीभित्र नोकरशाही, पुँजीपति र दलालहरुसँग सँठगाँठ गर्ने प्रवृत्ति बढेको छ । नेतृत्व चरम व्यक्तिवादी बनेको छ, श्रेष्ठको भनाई छ । उनले अमेरिका साम्राज्यवादी शक्ति भएकोमा माओवादीहरु भ्रमित हुन जरुरी नभएको भन्दै विकास आफै बलवुताले गर्न सक्नुपर्ने बताए ।

श्रेष्ठले एमसीसी अनुमोदनप्रति गम्भीर असन्तुष्टी व्यक्त गर्दै अध्यक्ष प्रचण्डसँगको ३५ वर्ष लामो सम्बन्धमा सबैभन्दा कठिन क्षण आएको बताए । अध्यक्ष कमरेड प्रचण्डसँग मेरो २०५३ सालदेखिको सम्बन्ध हो तर उहाँले पत्रकार सम्मेलन गरेर मलाई पार्टी छोड्न भन्नु भएको छ, श्रेष्ठको भनाई छ ।