२० फाल्गुन २०७८, शुक्रबार १२:३५ बुधवार साप्ताहिक, नयाँबानेश्वर, काठमाण्डौं

एमसीसीबारे तीन नेताले प्रचण्डलाई बुझाए लिखित फरक मत

२० फागुन, काठमाडौं । माओवादी केन्द्रका तीन नेताले अमेरिकी सहयता परियोजना एमसीसीबारे अध्यक्ष पुष्पकमल दाहाल ‘प्रचण्ड’लाई लिखित फरक मत बुझाएका छन् ।

माओवादी केन्द्रको शुक्रबारदेखि शुरु भएको केन्द्रीय समिति बैठकमा आफ्नो फरक मत दर्ज हुनुपर्ने भन्दै नेताहरु कृष्णबहादुर महरा, देव गुरुङ र लिलामणि पोखरेलले लिखित फरक मत प्रचण्डलाई बुझाएका हुन् ।

केन्द्रीय सदस्य सुदन किराँतीका अनुसार आफूहरुले पार्टी निर्णय मान्ने तर असहमति पनि पार्टी बैठकमा दर्त हुनुपर्ने भन्दै लिखित फरक मत बुझाएका हुन् ।

उनीहरुले यसअघि पूर्व स्थायी कमिटी सदस्यको बैठकमा पनि एमसीसी व्याख्यात्मक घोषणासहित अनुमोदन गर्ने निर्णयमा असहमति जनाएका थिए ।

आजको बैठकमा अध्यक्ष प्रचण्डले एससीसी स्वीकार गर्नुका कारणबारे बोलेपछि वरिष्ठ नेता नारायणकाजी श्रेष्ठले बैठकमा आफ्नो लिखित असहमति पेस गरेका थिए ।

श्रेष्ठ बोलेपछि अर्को बैठक पर्सि बिहान ११ बजे बस्नेगरि स्थगन गरिएको छ।