१४ चैत्र २०७८, सोमबार ०२:०२ बुधवार साप्ताहिक, नयाँबानेश्वर, काठमाण्डौं

त्रिदेशीय टी-२० श्रृङ्खलामा आज नेपाल र पपुवा न्युगिनी खेल्दै

१४ चैत, काठमाडौं । नेपाल, मलेसिया र पपुवा न्युगिनी (पीएनजी) सम्मिलित त्रिदेशीय टी-२० श्रृङ्खला आज देखि शुरु हुँदैछ ।

डबल राउण्ड रोबिनको आधारमा हुने श्रृङ्खलाको पहिलो खेलमा नेपालले आज पपुवा न्युगिनी (पीएनजी) सँग खेल्दैछ । खेल कीर्तिपुरमा रहेको त्रिवि क्रिकेट मैदानमा दिउँसो साढे १२ बजे हुनेछ । यसअघि नेपाल र पीएनजी एक पटक टी-२० अन्तर्राष्ट्रिय क्रिकेटमा आमनेसामने भएका छन् ।

सन् २०१५ मा नेपालले आईसीसी टी-२० विश्व कप छनोट प्रतियोगितामा पीएनजीसँग खेलेको थियो । ७ वर्षअघि भएको खेलमा नेपाल ८ विकेटले पराजित भएको थियो । नेपालले दोस्रो खेलमा पर्सी मलेसियासँग र आउँदो बिहीवार पपुवा न्युगिनीसँग खेल्ने छ ।