२२ जेष्ठ २०७९, आईतवार १०:०७ बुधवार साप्ताहिक, नयाँबानेश्वर, काठमाण्डौं

मन्त्रीहरुलाई फिर्ता बोलाउने एकीकृत समाजवादीको निर्णय

२२ जेठ, काठमाडौं । नेकपा एकीकृत समाजवादी पार्टीले पार्टीको तर्फबाट सरकारमा सहभागी मन्त्रीलाई फिर्ता बोलाउने निर्णय गरेको छ। सो पार्टीको सचिवालय बैठकले हाल पार्टीको तर्फबाट सरकारमा सहभागी मन्त्रीहरुलाई फिर्ता बोलाएर नयाँ पठाउने निर्णय गरेको हो।

समाजवादीबाट हाल ४ मन्त्री र एक राज्यमन्त्री रहेका छन् । राज्यमन्त्री भूमिकामा रहेकी भवानी खापुङबाहेक सबैलाई फिर्ता बोलाउने निर्णय भएको सो पार्टीका सम्मानित नेता झलनाथ खनालले जानकारी दिए ।

खनालले भने, पार्टीबाट गएका मन्त्रीहरुको कार्यक्षमता भएन, राम्रो नतिजा पनि आएन । सचिवालय बैठकले २४ घण्टाभित्रै मन्त्री फिर्ता बोलाउने निर्णय गरेको छ । अब भोलि नै पार्टीबाट सरकारमा नयाँ व्यक्ति पठाउँछौं ।