१९ असार २०७९, आईतवार ०५:३८ बुधवार साप्ताहिक, नयाँबानेश्वर, काठमाण्डौं

आईजीपी नियुक्तिविरुद्धको मुद्दा : आज अन्तिम सुनुवाइ हुँदै

१९ असार, काठमाडौँ । नेपाल प्रहरी महानिरीक्षक (आईजीपी) नियुक्तिसम्बन्धी मुद्दामा आज सर्वोच्च अदालतमा अन्तिम सुनुवाइ हुने भएको छ ।

कायममुकायम प्रधानन्यायाधीश दीपककुमार कार्की र न्यायाधीश कुमार चुडालको संयुक्त इजलासमा मुद्दाको पेशी तोकिएको छ । यसअघि सो मुद्दाको पेशी कायममुकायम प्रधानन्यायाधीश कार्की र न्यायाधीश चुडालको इजलासमा तोकेको भएपनि सो दिन मुद्दाको बहस नसकिएपछि आइतबारका लागि हेर्दाहेर्दैमा राखिएको थियो ।

आज आईजीपी बढुवाको पक्षमा भीमार्जुन आचार्यसहित सुशील पन्त, श्याम खरेल, टीकाराम भट्टराई, ओमप्रकाश अर्यालले बहस गर्दैछन् । गत वैशाखमा मन्त्रिपरिषद बैठकले प्रहरी महानिरीक्षकमा धिरजप्रताव सिंहलाई बढुवा गरेपछि प्रहरी अतिरित्क महानिरीक्षक (एआईजी) विश्वराज पोखरेलले सर्वोच्च अदालतमा रिट दायर गरेका थिए ।

वरिष्ठताक्रम अनुसार बढुवामा नपरेपछि डीआइजी ईश्वरबाबु कार्कीले सर्वोच्च अदालतमा रिट दायर गरेका थिए । रिटमा जेठ ३० गतेबाट अन्तिम सुनुवाइ सुरु भए पनि मुद्दाको बहस नसकिएपछि हेर्दाहेर्दैमा राखिदै आएको हो ।