३० असार २०७९, बिहीबार १३:१६ बुधवार साप्ताहिक, नयाँबानेश्वर, काठमाण्डौं

हतियार किन्ने निर्णय भएको छैन : प्रधानमन्त्री

३० असार, काठमाडौँ । प्रधानमन्त्री समेत रहेका नेपाली कांग्रेस सभापति शेरबहादुर देउवाले अहिले प्रहरीलाई कुनै पनि हतियार किन्ने निणर्य नभएको बताएका छन् । उनले आफूले यस विषयमा गृहमन्त्रीलाई समेत निर्देशन दिने बताएका छन् ।

नेपाली कांग्रेसको जारी बैठकमा गोपालमान श्रेष्ठ र अर्जुननरसिंह केसीले प्रहरीलाई किन्न लागेको हतियारका बारेमा प्रश्न उठाएपछि देउवाले यस्ता जानकारी गराएका हुन् । उनले भने, प्रहरीलाई हतियार किनिँदैन । अहिले आवश्यक पनि छैन । त्यो निर्णय होइन । त्यो हतियार अहिले किन्दैनौं ।

प्रहरीलाई हतियार किन्न भन्दै यसअघि बजेट रकमान्तर गरिएको थियो । प्रहरीका लागि एकहजार थान ९ एमएम पिस्तोल, त्यसको लागि गोली १० लाख ३० हजार राउन्ड, बाह्रबोर सटगन ११५० वटा त्यसमा लाग्ने छर्रा २ लाख र रबरका गोली ३ लाख वटा र अश्रु ग्यासका २५ हजार सेल हतियार खरिदका लागि रकमान्तर गरिएको थियो ।

देशमा विदेशी मुद्रा सञ्चिती घटिरहेका बेला प्रहरीका लागि हतियार खरिद गर्न लागिएको कुरा बाहिर आएपछि अहिले त्यसको विरोध भइरहेको छ ।