१९ श्रावण २०७९, बिहीबार १२:४० बुधवार साप्ताहिक, नयाँबानेश्वर, काठमाण्डौं

‘उम्मेदवारी दिएपछि सांसद पद स्वतः सकिन्छ’

१९ साउन, काठमाडौं । प्रमुख निर्वाचन आयुक्त दिनेश थपलियाले प्रतिनिधिसभाका सांसद र प्रदेश सभा सदस्यको पद उम्मेदवारी दर्ता गरेपछि स्वतः सकिने बताएका छन् ।

आयोगले आज आयोजना गरेको पत्रकार सम्मेलनमा बोल्दै आयुक्त थपलियाले उम्मेदवारी दिएपछि पद स्वतः सकिएको मानिनु पर्नेमा आयोगको धारणा स्पष्ट रहेको बताएका हुन् ।

प्रतिनिधि सभा र प्रदेश सभाको कार्यकालको व्याख्या आयोगले गर्ने होइन । आउँदो मंसिर २१ गते पदावधि समाप्त हुन्छ भनेर दस्तावेज पठाएका थियौं । दशैंलगत्तै उम्मेदवारी दिने योजनामा छौं । उम्मेदवारी दिएपछि निजहरुको पद स्वतः सकिएको मानिनुप र्छ भन्ने आयोगको स्पष्ट धारणा छ ।

सबै उम्मेदवारका लागि समान प्रतिस्पर्धाको वातावरण बनाउन बहालवाला सांसदको पदावधिबारे टुंगो लगाइने उनले बताए । सांसदहरूको पदावधि अन्तर्राष्ट्रिय मूल्य मान्यता अनुरुप हुनुपर्ने प्रमुख आयुक्त थपलियाको भनाइ छ ।