३० पुष २०७९, शनिबार ०२:३२ बुधवार साप्ताहिक, नयाँबानेश्वर, काठमाण्डौं

बागमतीको उपसभामुखको निर्वाचन माघ २ मा

३० पुस, मकवानपुर । बागमती प्रदेशको उपसभामुखको लागि तीन जना नेतृहरुले उम्मेदवारी दिएका छन् । माघ २ गते हुने निर्वाचनको लागि सत्ता गठबन्धनको नेकपा एमालेकी अप्सरा चापागाईंले उम्मेदवारी दर्ता गराएकी छन् । उनको प्रस्तावकमा कुमारी मोक्तान र समर्थकमा आशा लामा छन् ।

नेपाली कांग्रेसको तर्फबाट सुना परियारले उम्मेदवारी दर्ता गराएकी छन् । उनको प्रस्तावकमा उत्तम जोशी र समर्थक याङकिला शेर्पा रहेका छन् । यस्तै नेपाल मजदुर किसान पार्टीको तर्फबाट गीता काफ्लेले उम्मेदवारी दर्ता गराएकी छन् । उनको प्रस्तावकमा सुरेन्द्रराज गोरसाई र समर्थकमा सिर्जना सैजू रहेकी छन् ।

प्रदेशसभाको उपसभामुखको निर्वाचन आगामी माघ २ गते अपराह्न ३ बजेको समय निर्धारण गरिएको निर्वाचन अधिकृत तथा प्रदेशसभा सचिवालयका प्रमुख सचिव कृष्णहरि खड्काले बताए ।

बागमती प्रदेशसभाको शुक्रबार बसेको दोस्रो बैठकमा नवनिर्वाचित सभामुख भुवनकुमार पाठकले प्रदेशसभाको उपसभामुख पदको निर्वाचन गर्न प्रदेशसभाका प्रमुख सचिव खड्कालाई निर्देशन दिएका थिए । बागमती प्रदेशसभाको अर्को बैठक माघ २ गते अपराह्न ३ बस्ने प्रदेशसभा सचिवालयले जनाएको छ ।