१९ माघ २०७९, बिहीबार ११:३८ बुधवार साप्ताहिक, नयाँबानेश्वर, काठमाण्डौं

रास्वपाको बैठक शुरु, सरकारमा रहने-नरहने निर्णय लिँदै

१९ माघ, काठमाडौं । सत्ता साझेदार राष्ट्रिय स्वतन्त्र पार्टीको केन्द्रीय समिति र संसदीय दलको संयुक्त बैठक शुरु भएको छ । बैठक केन्द्रीय कार्यालय बसुन्धारामा केहीबेरअघि शुरु भएको हो । बैठकमा सरकारमा रहने कि नरहने विषयमा छलफल हुने राष्ट्रिय स्वतन्त्र पार्टीका महामन्त्री तथा प्रवक्ता मुकुल ढकालले जानकारी दिएका छन् ।

पार्टी सभापति रवि लामिछानेले विगतमा गरेको त्रुटिलाई लिएर सर्वोच्चबाट फैसला आएको र त्यसलाई सुधार गर्दा पनि प्रधानमन्त्री पुष्पकमल दाहाल ‘प्रचण्ड’ बाट सकारात्मक सन्देश नपाएको पनि ढकालले बताएका छन् । त्यसैले अब नयाँ शिराबाट अगाडि जान लागेको उनको भनाइ छ ।

यता सभापति लामिछानेले सामाजिक सञ्जालमार्फत आफ्नो मौनता आजसम्मका लागि मात्र रहेको बताइसकेका छन् । ‘अब मलाई भन्न बाँकी, गर्न बाँकी, लेख्न बाँकी केही भए भनीहाल्नुहोला, गरीहाल्नु होला, लेखिहाल्नु होला, उनले लेखेका छन्, ‘मेरो मौनता आज सम्मका लागि मात्रै हो । म अभिमन्यु होइन ।