१० फाल्गुन २०७९, बुधबार ०३:१५ बुधवार साप्ताहिक, नयाँबानेश्वर, काठमाण्डौं

बालुवाटारमा प्रचण्ड र ओलीबीच भेटवार्ता

१० फागुन,काठमाडौं । प्रधानमन्त्री पुष्पकमल दाहाल ‘प्रचण्ड’ सँग भेटवार्ताका लागि नेकपा (एमाले) का अध्यक्ष केपी शर्मा ओली बालुवाटार पुगेका छन् । राष्ट्रपति निर्वाचनका विषयमा छलफल गर्न अध्यक्ष ओली बालुवाटार पुगेका हुन् । प्रधानमन्त्रीसँग छलफलका लागि गठबन्धनका अन्य नेताहरु पनि बालुवाटार जाने बताइएको छ ।

उनीहरुबीच एक्ला–एक्लै वार्ता शुरु भएको बालुवाटार निकट स्रोतले जानकारी दिएको छ । उनीहरूले आगामी २५ फागुनमा हुने राष्ट्रपति निर्वाचनमा कसलाई उम्मेदवार बनाउने भन्नेबारेमा निर्णय लिनेगरी छलफल गर्न लागेको स्रोतले बताएको छ ।
प्रधानमन्त्रीलाई भेट्न राष्ट्रिय स्वतन्त्र पार्टीका सभापति रवि लामिछाने र राष्ट्रिय प्रजातन्त्र पार्टीका अध्यक्ष राजेन्द्र लिङ्देन लगायत नेताहरु पनि बालुवाटार जाने तयारीमा रहेका बुझिएको छ ।

गठबन्धनमा राष्ट्रपति कसलाई बनाउने भन्ने विषयमा विवाद देखिएको छ । विशेषत प्रधानमन्त्री प्रचण्ड एमालेलाई राष्ट्रपति नदिने पक्षमा देखिएका छन् भने एमालेले पूर्व सहमति अनुरुप राष्ट्रपति पाउनुपर्ने अडान राखेको छ ।