१२ फाल्गुन २०७९, शुक्रबार ०९:४८ बुधवार साप्ताहिक, नयाँबानेश्वर, काठमाण्डौं

अरु घटनाक्रम थाहा छैन, एमालेले राष्ट्रपतिमा उम्मेदवारी दिन्छ : ओली

१२ फागुन, काठमाडौं । सत्तारुढ नेकपा एमालेका अध्यक्ष केपी शर्मा ओलीले एमालेले राष्ट्रपतिमा उम्मेदवारी दिने बताएका छन् ।
आज (शुक्रबार) संसद भवनमा सञ्चारकर्मीसँग कुरा गर्दै ओलीले शनिबार एमालेले राष्ट्रपतिमा मनोनयन गराउने जानकारी दिएका हुन् ।

अध्यक्ष ओलीले सत्ता गठबन्धनमा पुस १० गते नै राष्ट्रपति एमालेले पाउने सहमति भइसकेकाले एमालेले राष्ट्रपतिमा उम्मेदवारी दिने जिकिर गरेका हुन् । अरु घटनाक्रमका विषयमा आफूलाई केही जानकारी नभएको पनि ओलीले बताएका छन् । राष्ट्रपति निर्वाचनका लागि शनिबार मनोनयन दर्ता हुँदैछ । उम्मेदवारको टुंगो लगाउन शनिबार बिहान ९ बजेलाई एमालेले सचिवालय बैठक डाकेको छ ।